WERDEN SIE INHABER DIESER GEDENKSEITE UND VERWALTEN SIE DIESE.
Neueste Einträge (7)
Gedenkkerze
Gabi
Hei Dängi
Es huddlet mi no immer. s'läbe isch nid fair. es het mer fasch aui gnoh, wo ig gärn ha gha, wo ig so ha dörfe si, wie ig bi. scheibe diego, wieso o nume macht das so weh. Es geit keh tag düre, wo ig nid a di dänke und mer d'träne über d'bagge loufe. wott aber o nid mit öppere drüber rede, wüu verstoh duet mi eh niemmert. ig gloube, meh muess zerscht so vüu verlohre ha, dass mes verstoh. aber ig dänke, dass ig das mag präschtiere und dass es irgendwie immer wyter goh. du weisch, du bisch jede tag i mine gedanke, u mängisch schmöck ig di no. u i de tröim isch aues immer so realistisch, de huddlets mi de richtig fescht. jo dängi, das band zwüsche gschwüschterti geit gloub übere tod hinwäg. ig weiss, mir gsäh üs wieder. Dängi, machs guet und ig hoffe, du bisch immer wieder chli bi mir....
Dini Schwoscht
Gedenkkerze
Gabi
Hoi Dängi
Es macht mi unändlech truurig, dass du nüme da bisch. Es verget e keht Tag, wo ig nid a di dänke und mini Ouge füecht wärde. Das ganze isch e so unverständlech für mi. Hani so fesch ghofft, dass mer no es paar Sache zäme chöi mache, is Südtirol goh, ufe Üetli ufe loufe oder eifach e gmüetleche Obe mit guete Gspröch. Eifach chönne si und s'läbe no chli gnüsse. Ha mer nid chönne vorstöue, dass du so ne grossi Lücke i mim Läbe hingerlohsch, dass ig di so vermisse. I mim Härze wirsch du ewigs wyter Läbe. I Gedanke bini bi dir, jede Obe lueg ig a Himmu und sueche nach em Stärn, wo mini Familie di hei isch.
Dini Schwoscht
Gedenkkerze
Gabi
Hoi Diego.
Es chunnt mer vor, es isch scho mega lang här, dass du e angere Wäg hesch müesse goh. Ig vermisse di. Wett so gärn mit dir rede, dini stimm ghöre, lose wies dir jez geit. S'einzigi wo mi chli tröschtet isch, z'ueversicht, dass es dir jez guet geit u du frei bis ch u chasch mache uf aues wo de luscht hesch, ohne dass nach schnuff muesch ringe. Dängi, die Zyt mit dir isch eifach vüu z'churz gsi.
Dini Schwoscht
Gedenkkerze
Gabi
Hüt isch es doch scho 18 Wuche här, dass du vo üs gange bisch. ig vermisse di so sehr, dini Art, dis wäse, das wo di usgmacht het. Ig mags dir gönne, aber vermisse darf ig di glich. Du weisch, du bisch u blibsch mi gross Brueder.
Ha di gärn u vermisse di.
Dini Schwoscht
Gedenkkerze
Gabi
Liebe Diego
Vermisse die jede Tag. Es tuet eifach weh, dass nüme da bisch. Wirsch aber immer i üse Härze si. Du bisch so ne kämpfer gsi. Fröie mi ufenes wiederseh mit dir.
Dini Schwoscht